نام نہاد جمہوریت کے دعویدار بھارت میں اقلیتیں عدم تحفظ کا شکار ہیں، ایک افسوسناک واقعہ بھارتی ریاست بہار میں پیش آیا، جہاں انتہاء پسند ہجوم نے تشدد کا نشانہ بنا کر 3مسلم نوجوانوں کو موت کی نیند سلا دیا، جبکہ اس واقعے میں 2 افراد شدید زخمی بھی ہوگئے۔
بین الاقوامی خبر رساں ادارے کی رپورٹ کے مطابق بہار میں مشتعل ہندوؤں کے ہجوم نے ایک کار کو گھیر لیا جس میں 5 افرادسفر کررہے تھے، اس دوران مشتعل ہجوم نے مسلمان ہونے کے باعث انہیں بدترین تشدد کا نشانہ بنایا، جس سے 3 نوجوان موقعہ پر ہی دم توڑ گئے، جبکہ 2 شدید زخمی ہوگئے۔
افسوسناک واقعے میں محمد مجاہد اور محمد انصاری سمیت 3 مسلمان نوجوان ابدی نیند سوگئے، جب کہ وکیل انصاری اور ان کے دوست اجیت شرما شدید زخمی ہوگئے جنھیں قریبی اسپتال میں داخل کرایا گیا ہے۔
مقامی میڈیا کا اس حوالے سے کہنا ہے کہ اس کار پر انتہا پسند ہندوؤں نے ایک دکان کے سامنے گاڑی کھڑی کرنے پر تلخ کلامی کے بعد حملہ کیا تھا۔
متحدہ عرب امارات میں ہزاروں نوکریوں کا اعلان
افسوسناک واقعے کی ویڈیو بھی سوشل میڈیا پر گردش کررہی ہے، ویڈیو میں چہرے صاف نظر آنے کے باوجود پولیس کی جانب سے قاتلوں کو گرفتار کرنے کے لئے کوئی اقدامات نہیں کئے گئے ہیں۔
