The news is by your side.

Advertisement

آوارہ کتوں کو مارنے پر ملزمان کو 10 سال قید

انقرہ: ترکی میں آوارہ کتوں کو زہر خورانی سے قتل کرنے کے الزام پر 3 افراد کو 10 سال قید کی سزا سنا دی گئی۔

ترک میڈیا کے مطابق دارالحکومت انقرہ کی عدالت نے 3 ملزمان پر آوارہ کتوں کو قتل کرنے کا الزام ثابت ہونے پر مجرم قرار دیتے ہوئے انہیں سزا سنادی۔

عدالت نے ملزمان کو قصور وار ٹہراتے ہوئے آوارہ کتوں کو مارنے کے جرم میں 10 سال قید اور 15 ہزار لیرا جرمانے کی سزا سنائی، یہ حالیہ ادوار میں جانوروں کو قتل کرنے کے الزام میں شہریوں کو دی جانے والی سخت ترین سزا ہے۔

ملزمان پر الزام تھا کہ انہوں نے آوارہ کتوں کو کیڑے مار دوا مرغی کے گوشت میں ملا کر انہیں موت کے گھاٹ اتار دیا تھا، شہر کے گنجان آباد والے علاقے میں خالی مقام سے کتے مرے ہوئے پاگئے تھے جس پر حکام نے تحقیقات کا آغاز کیا۔

ابتدائی طور پر ملزمان کو گرفتار کر کے ضمانت پر رہا کر دیا گیا تھا تاہم عدالت نے کیس کو منطقی انجام تک پہنچاتے ہوئے فیصلہ سنا دیا۔

fb-share-icon0
Tweet 20

Comments

comments

یہ بھی پڑھیں