تازہ ترین

ڈاکو 20 منٹ میں 30 کلو سونا لوٹ کر فرار

چندی گڑھ: بھارتی پنجاب کے صنعتی شہر لدھیانا میں ڈاکو 20 منٹ میں 30 کلو سونا لے کر با آسانی فرار ہوگئے۔

بھارتی میڈیا رپورٹس کے مطابق دن دیہاڑے مسلح ڈاکو گل روڈ پر واقع انڈین انفولائن فنانس لمیٹڈ میں داخل ہوئے اور عملے کو رسیوں سے باندھ کر سونا لے اڑے۔

واردات کی سی سی ٹی وی فوٹیج ریکارڈ کر لی گئی جو پولیس نے تفتیش کے لیے حاصل کر لی ہے، چوری شدہ سونے کی مالیت 120 سے زائد ہے۔

ڈکیتی کی واردات کرائم انویسٹی گیشن ایجنسی آفس کے عقب میں ہوئی اور ڈاکو 20 منٹ تک لوٹ مار کرتے رہے لیکن کسی کو خبر تک نہ ہوئی۔

پولیس کشمنر کا کہنا ہے کہ ڈاکوؤں کے فرار ہونے کے بعد عملے نے ایمرجنسی الارم بجایا، جس وقت ڈکیتی ہوئی وہاں کوئی گاہک موجود نہیں تھا۔

یہ گزشتہ 20 دنوں کے دوران شہر میں ہونے والی دوسری بڑی ڈکیتی ہے، اس سے قبل 4 ڈاکو 29 جنوری کو ایک جیولری شاپ سے کئی کلو سونا لوٹ کر فرار ہوگئے تھے۔

Comments

- Advertisement -