پاکستان ایران کے درمیان گوٹربے کے علاقے میں 35فٹ لمبی بلیو وہیل مردہ حالت میں پائی گئی ہے، مقامی ماہی گیر نے اطلاع دی۔
تفصیلات کے مطابق ڈبلیو ڈبلیو ایف نے مردہ بلیو وہیل کے حوالے سے بتایا کہ مقامی ماہی گیر نے بلوچستان کنتانی کے قریب مردہ وہیل کی اطلاع دی، اندازہ لگایا گیا ہے کہ وہیل چند روز پہلے مرگئی ہوگی۔
بلوچستان کے ساحل پر 30 فٹ لمبی بروڈز وہیل مردہ حالت میں برآمد
اس سلسلے میں ڈبلیو ڈبلیو ایف نے مزید بتایا کہ تاحال بلیو وہیل کی موت کی اصل وجہ کا پتہ نہیں چل سکا ہے، وہیل گلنیٹ میں پھنس گئی ہے جو ماہی گیر استعمال کرتے ہیں۔
پاکستان میں آخری بلیو وہیل 8اپریل 2024 کو بلوچستان کے شہر گڈانی میں دیکھی گئی تھی، بلیو وہیل کی زیادہ سے زیادہ لمبائی تقریباً 100 فٹ اور وزن 200 ٹن تک ہوسکتا ہے۔
