اسلام آباد: پاکستان میں کرونا انفیکشن کے باعث مزید 1 مریض جاں بحق ہو گیا۔
نیشنل انسٹیٹیوٹ آف ہیلتھ پاکستان کے مطابق گزشتہ چوبیس گھنٹوں کے دوران ملک میں مزید 371 نئے کیسز سامنے آئے ہیں، جب کہ وائرس سے مزید ایک مریض کی موت واقع ہو گئی۔
این آئی ایچ کا کہنا ہے کہ 24 گھنٹوں کے دوران ملک بھر میں 13 ہزار 439 کرونا ٹیسٹ کیے گئے، جن میں مثبت کیسز کی شرح 2.76 فی صد رہی۔
ہیلتھ انسٹیٹیوٹ کے مطابق کووِڈ نائنٹین سے ہونے والے انفیکشن کے باعث ملک بھر کے مختلف اسپتالوں میں داخل 184 مریضوں کی حالت تشویش ناک ہے۔
COVID-19 Statistics 26 July 2022
Total Tests in Last 24 Hours: 13,439
Positive Cases: 371
Positivity %: 2.76%
Deaths: 01
Patients on Critical Care: 184— NIH Pakistan (@NIH_Pakistan) July 26, 2022
واضح رہے کہ پاکستان میں مجموعی طور پر اب تک 15 لاکھ 51 ہزار 251 کرونا کیسز سامنے آ چکے ہیں، جب کہ مجموعی اموات کی تعداد 30 ہزار 470 ہو چکی ہے۔
