The news is by your side.

Advertisement

تین درجن سے زائد گائیں مذبح خانے سے فرار

امریکی ریاست کیلی فورنیا کے ایک مذبح خانے سے چالیس گائیں فرار ہوگئیں۔

امریکی میڈیا رپورٹ کے مطابق کیلی فورنیا کے علاقے بیویرلی روڈ اینڈ ڈُر فی ایونیو کے قریب واقع پیکو ریویریا مذبح خانے میں رات کے وقت گائیں موجود تھی البتہ صبح جب ملازمین پہنچے تو وہاں ایک جانور بھی موجود نہیں تھا۔

بعد ازاں معلوم ہوا کہ ملازمین کی غفلت کی وجہ سے گائیں فرار ہوئیں کیونکہ وہ رات کو جاتے وقت باڑے کا دروازہ بند کرنا بھول گئے تھے۔

لاس اینجلس کاؤنٹی شیرف ڈیپارٹمنٹ کے حکام نے بتایا کہ یہ واقعہ منگل کی شام 8 بجے کے قریب پیش آیا۔

مقامی افراد نے بتایا کہ مذبح خانے سے فرار ہونے والے جانوروں نے گلیوں اور شاہراہوں پر کھڑی ہونے والی گاڑیوں کو نقصان پہنچایا۔

متعلقہ حکام نے شہریوں کی شکایات کے بعد گائیں کا سراغ لگایا اور 38 کو پکڑ کر واپس مذبح خانے پہنچایا جبکہ ایک کو رہائشی افراد نے گولی ماردی اور ایک تاحال لاپتہ ہے۔

پولیس نے غفلت برتنے والے ملازم کو نشاندہی کے بعد گرفتار کیا، جس کے خلاف مقدمہ درج کیا جائے گا۔

Comments

یہ بھی پڑھیں