ریاض : حج کے موقع پر مسجد الحرام کی صفائی اور طہارت کو یقینی بنانے کے لیے 4000 افراد پر مشتمل عملہ تعینات کردیا گیا جبکہ خدمت حجاج وزائرن ہمارے لیے باعث فخر ہے“ کی ساتویں سالانہ مہم کے تحت 1000 عازمین حج میں تحائف تقسیم کیے گئے ہیں
تفصیلات کے مطابق الحرمین الشریفین کے جنرل سروسز امور کے ادارے کی طرف سے حج انتظامات کے تحت رواں سال 1440ھ کے موسم حج پر مسجد حرام میں 4 ہزار افراد پر مشتمل صفائی کا عملہ تعینات کرنے کا اعلان کیا ہے۔
عرب ٹی وی کے مطابق مسجد حرام کے جنرل سروسز امور کے ڈائریکٹر محمد الجابری نے بتایا کہ ان کے ادارے نے مسجد حرام کی صفائی اور طہارت کو یقینی بنانے کے لیے چار ہزار افراد پر مشتمل اضافی عملہ تیار کیا ہے، جو حج کے ایام میں مسجد میں صفائی کےانتظامات کو یقین بنائے گا۔
انہوں نے بتایا کہ مسجد حرام میں صفائی کے لیے جہاں بڑی تعداد میں افرادی قوت مہیا کی گئی ہے، وہیں صفائی کے لیے 400 آلات اور مشینیں بھی فراہم کی گئی ہیں۔
یہ عملہ مسجد حرام میں کے اندرونی اور بیرونی مقامات، قالینوں اور دیگر اہم جگہوں کی تطہیر کے ساتھ مسجد کومعطر کرنےکے لیے کام کرے گا۔
دوسری جانب ”خدمت حجاج وزائرن ہمارے لیے باعث فخر ہے“ کی ساتویں سالانہ مہم کے تحت مسجد حرام میں 1000 عازمین حج میں تحائف تقسیم کیے گئے ہیں۔ ان تحائف میں صوت القرآن سی ڈیز، دینی کتب اور مناسک حک سے متعلق لٹریچر شامل ہے۔
حملة (خدمة الحاج والزائر وسام فخر لنا 7) توزع 1000 هدية بالمسجد الحرام لليوم الأولhttps://t.co/LJZeU6aIPV pic.twitter.com/QPzOCGKQWA
— رئاسة شؤون الحرمين (@ReasahAlharmain) July 30, 2019
مہم کے چیئرمین انجینیر ماہر الزھرانی نے کہا کہ ان کی مہم نے اپنی انتظامہ ذمہ داریاں شروع کردی ہیں۔
انہوں حج کے حوالے سے حکومت کی طرف سے کیے گئے اقدامات پر بھی روشنی ڈالی اور کہا کہ حکومت اللہ کے مہمانوں کی فریضہ حج کی ادائیگی میں مددکے لیے ہرممکن اقدامات کررہی ہے۔