کیلی فورنیا: امریکی ریاست کیلی فورنیا کے جنگلات میں لگنے والی آگ سے دو فائر فائٹرز سمیت 5 افراد ہلاک ہوگئے جبکہ 17 افراد لاپتہ ہیں۔
غیرملکی خبررساں ادارے کے مطابق کیلی فورنیا کے جنگلات میں لگنے والی آگ سے 5 افراد ہلاک ہوگئے ہیں، پانچ سو مکان اور دیگر عمارتیں تباہ ہوگئی ہیں، چالیس ہزار افراد کو محفوظ مقام پر منتقل کردیا گیا ہے۔
حکام کے مطابق تیز ہواؤں کے باعث آگ پھیل رہی ہے مزید قریبی آبادیوں کو خالی کرانے کی ہدایت کردی گئی ہے، آگ پر قابو پانے کے لیے تین ہزار چار سو فائر فائٹرز اور 17 ہیلی کاپٹر حصہ لے رہے ہیں۔
Please keep these Northern California communities outside Redding & Whiskeytown Lake in your thoughts & prayers. I previously served the community of Old Shasta as a volunteer & also a firefighter for CAL FIRE at the Shasta STA #58 in the Shasta-Trinity Unit.#CarrFire (📷 UNK). pic.twitter.com/AcG7Kk7iH4
— Chris Baker (@instructorbaker) July 26, 2018
فائر فائٹرز کے ترجمان اسکاٹ میکلین کے مطابق آگ اب تک 17 ہزار ہیکٹر سے زیادہ رقبے کو جلا کر راکھ کرچکی ہے، آگ کی زد میں آکر ایک پرائیویٹ بل ڈوزر آپریٹر اور ایک فائر فائٹر آگ پر قابو پانے کی کوشش کرنے کے دوران ہلاک ہوگئے ہیں۔
کیلی فورنیا ریاست میں اس وقت 18 مختلف مقامات پر جنگلات میں آگ لگی ہوئی ہے جس پر قابو پانے کی کوشش کی جارہی ہے۔
واضح رہے کہ 2012 سے کیلی فورنیا کے جنگلات میں آگ لگنے کا مسئلہ درپیش ہے، موسم گرما اور خشک سالی کی وجہ سے جنگلات میں آگ لگنے کے واقعات میں اضافہ ہوا ہے۔