لاہور: پاکستانی گلوکار و موسیقار علی ظفر نے پاک چین دوستی کے 70 سال مکمل ہونے پر چینی گلوکارہ کے ساتھ دوستی کا نغمہ گا کر سب کے دل جیت لیے۔
سمندر سے گہری اور ہمالیہ سے بلند پاک چین مثالی دوستی کو آج 70 سال مکمل ہوگئے ، دونوں ملکوں کے7دہائیوں پرمشتمل قریبی تعلقات پوری دنیا کیلئے مثال ہیں۔
لازوال دوستی کے70سال مکمل ہونے پر یادگاری ٹکٹ کا اجرا بھی کیا گیا ہے جبکہ پاکستان میں اس پرمسرت موقع کی مناسبت سے تقاریب کا انعقاد بھی کیا جارہا ہے۔
یادگاری ٹکٹ کے اجرا کی تقریب سے خطاب کرتے ہوئے وفاقی وزیر مواصلات کا کہنا تھا کہ پاکستان کےچین کے ساتھ 70سالہ سفارتی تعلقات کی سالگرہ منارہےہیں، سفارتی محاذ پر چین نے ہرمشکل گھڑی میں پاکستان کا بھرپور ساتھ دیا اور مسئلہ کشمیر پر بھی ہمیشہ پاکستان کے مؤقف کی تائیدکی۔
پاکستانی گلوکار و اداکار اور موسیقار علی ظفر نے پاک چین سفارتی دوستی کے 70 سال مکمل ہونے پر چینی گلوکارہ کے ساتھ دوستی نغمہ گایا جس کی ویڈیو انہیں نے سماجی رابطے کی ویب سائٹ ٹویٹر پر شیئر کی۔
On the 70th anniversary of the development of diplomatic relationship between #China and #Pakistan, I learnt some Chinese and sang about our friendship.😊#PakChinaFriendship #PakChinaAt70 🇵🇰 🇨🇳 pic.twitter.com/RvDnQUjvmr
— Ali Zafar (@AliZafarsays) May 21, 2021
یہ نغمہ چینی اور اردو دونوں زبانوں میں ہے، شائقین کو معنی سمجھانے کے لیے اردو زبان میں سطریں بھی لکھی گئیں ہیں۔
علی ظفر نے لکھا کہ ’میں نے تھوڑی سی چینی زبان سیکھی اور ہماری دوستی پر نغمہ گایا‘۔
#PakChinaFriendship #PakChinaAt70 pic.twitter.com/jL1t2i8IYt
— Ali Zafar (@AliZafarsays) May 21, 2021
