لندن: برطانوی وزیراعظم بورس جانسن نے ماسک پہننے اور سماجی فاصلے کی شرط ختم کرنے کا اعلان کردیا۔
اے آر وائی نیوز کے مطابق برطانوی وزیراعظم بورس جانسن نے میڈیا سے گفتگو کرتے ہوئے کہا کہ 19 جولائی سے ماسک پہننا ہر شخص کی اپنی مرضی ہوگی۔
بورس جانسن نے کہا کہ ماسک پہننے کی قانونی پابندی 19 جولائی سے ختم کردیں گے، اسی روز سماجی فاصلے کی پابندی بھی ختم ہوجائے گی۔
واضح رہے کہ گزشتہ ماہ برطانوی وزیراعظم بورس جانسن نے کرونا وائرس کے بھارتی ویرئینٹ کو لاک ڈاؤن نرمی کے راستے میں رکاوٹ قرار دیا تھا۔
مزید پڑھیں: برطانوی شہزادی کیٹ مڈلٹن قرنطینہ میں چلی گئیں
بورس جانسن کا کہنا تھا کہ کرونا وائرس کی مہلک وبا کی بھارتی قسم برطانیہ میں وبا کی تیسری لہر کا باعث بن سکتی ہے۔
ان کا کہنا تھا کہ جن علاقوں میں کرونا وائرس کی بھارتی قسم پھیل رہی ہے وہاں کرونا ویکسینیشن میں اضافہ کیا جائے گا۔
پروفیسر کرس وٹی کا کہنا تھا کہ انڈین ویرئینٹ برطانوی ویرئینٹ سے زیادہ تیزی سے پھیلتا ہے، بھارتی ویرئینٹ کی وجہ سے لاک ڈاؤن میں نرمی خطرے میں پڑگئی ہے۔
پروفیسر کرس وٹی کا کہنا تھا کہ کرونا وائرس سے بچاؤ کےلیے ویکسین کی دوسر ڈوز 12 کے بجائے 8 ہفتے میں لگائی جائے گی۔
