امریکا کے سابق صدر بارک اوباما نے تفریح اور سکون کے لیے پاکستانی اداکارہ کا گانا سننا شروع کردیا۔
امریکا کے سابق صدر اوباما نے سماجی رابطے کی ویب سائٹ ٹویٹر پر گرمیوں میں سننے والے گانوں کی فہرست جاری کی، جس میں پاکستانی گلوکارہ عروج آفتاب کی آواز میں گائی غزل بھی شامل ہے۔
بارک اوباما نے گرمیوں کے لیے 38 گانوں کا انتخاب کیا، انہوں نے پوری پلے لسٹ شیئر کی اور دوستوں کو بھی سکون کے لیے ان ہی غزلوں کو سننے کا مشورہ دیا۔
سابق امریکی صدر نے لکھا کہ بہت سارے فوک گانوں کے ساتھ اہل خانہ اور دوستوں کے ساتھ موسمِ گرما بہت اچھے طریقے سے گزاروں گا‘۔
With so many folks getting together with family and friends, there’s a lot to celebrate this summer. Here’s a playlist of songs I’ve been listening to lately—it's a mix of old and new, household names and emerging artists, and a whole lot in between. pic.twitter.com/xwTPun9wsw
— Barack Obama (@BarackObama) July 10, 2021
انہوں نے لکھا کہ یہ اُن گانوں کی فہرست ہے جو میں نے سُن لیے، ان میں بہت سارے نئے اور پرانے ہیں۔ اوباما نے لکھا کہ میں نے گلوکاروں کے نام ساتھ لکھ دیے ہیں۔
یاد رہے کہ محبت کرنے والے کم نہ ہوں گے غزل کے شاعر حفیظ ہوشیار پوری ہے، جسے سب سے پہلے شہنشاہ غزل مہدی حسن خان صاحب نے اپنی آواز میں گایا، بعد ازاں اسے بہت سے گلوکاروں نے اپنے اپنے انداز سے پیش کیا، ان میں ان پلگ ورژنز بھی ہیں۔
