لاہور: مسلم لیگ ن کی مرکزی نائب صدر مریم نواز کا کہنا ہے کہ بیٹے جنید کا عائشہ سے 22 اگست کو نکاح لندن میں ہوگا۔
تفصیلات کے مطابق مسلم لیگ ن کی مرکزی نائب صدر مریم نواز نے سماجی رابطے کی ویب سائٹ ٹویٹر پر اپنے پیغام میں کہا کہ بدقسمتی سے بیٹے کے نکاح میں شریک نہیں ہو سکوں گی، انتقامی کارروائی، بوگس مقدمات کی وجہ سے شرکت نہیں کرسکوں گی۔
مریم نواز نے لکھا کہ ’میں جیل میں تھی جب میری والدہ کا انتقال ہوا، اب میں اپنے بیٹے کی خوشی میں شریک نہیں ہوسکوں گی۔‘
انہوں نے لکھا کہ ’حکومت سے باہر جانے کی اجازت کے لیے درخواست نہیں کروں گی، اپنا معاملہ اللہ پر چھوڑتی ہوں۔‘
I was in jail when my beloved mother passed away and now I won’t be able to share my son’s happiness, but, I will NOT make any request to this government for travel abroad. I leave the matter to Almighty Allah. https://t.co/hNXBSpa7yB
— Maryam Nawaz Sharif (@MaryamNSharif) August 11, 2021
مزید پڑھیں: سیف الرحمان کی بیٹی اورمریم نواز کے بیٹے کی شادی طے
واضح رہے کہ مسلم لیگ (ن) کی مرکزی نائب صدر مریم نواز کے بیٹے جنید صفدر کی شادی سیف الرحمان کی بیٹی عائشہ سیف سے طے ہوئی ہے۔
فیملی نے شادی کے دعوت نامے عزیز و اقارب کو بھیجنا شروع کردیے ہیں اور یہ شادی دو ہفتوں کے بعد لندن میں ہوگی۔
