ہفتہ, مئی 25, 2024
اشتہار

جنوبی وزیرستان میں بارودی سرنگ کا دھماکا، سپاہی شہید

اشتہار

حیرت انگیز

راولپنڈی: جنوبی وزیرستان کے علاقے آسمان منزا میں دیستہ ساختہ بارودی سرنگ کے دھماکے میں سپاہی شہید ہوگئے۔

پاک فوج کے شعبہ تعلقات عامہ (آئی ایس پی آر) کے مطابق جنوبی وزیرستان کے علاقے آسمان منزا میں دیسی ساختہ بارودی سرنگ دھماکے سے پھٹ گئی جس کے نتیجے میں سپاہی واجد للہ نے جام شہادت نوش کیا۔

ترجمان پاک فوج کا کہنا ہے کہ دیسی ساختہ بارودی سرنگ کا دھماکا کلیئرنس آپریشن کے دوران ہوا۔

- Advertisement -

آئی ایس پی آر کا کہنا ہے کہ واقعے کے بعد سیکیورٹی فورسز نے علاقے کا محاصرہ کرلیا، فائرنگ کے تبادلے میں ایک دہشت گرد مارا گیا۔

واضح رہے کہ گزشتہ دنوں جنوبی وزیرستان میں دہشت گردوں کی جانب سے فوجی چوکی پر فائرنگ کے نتیجے میں نائب صوبیدارسونےزئی شہید ہوگئے تھے جبکہ ایک دہشت گرد بھی ہلاک ہوا تھا۔

ترجمان پاک فوج نے مزید کہا کہ پاک فوج دہشت گردی کی لعنت کےجڑسےخاتمےکیلئےپرعزم ہے، جوانوں کی قربانیاں ہمارےعزم کومزیدتقویت دیتی ہیں۔

یاد رہے رواں ماہ 8 اگست کو دہشت گردوں نے انٹرنیشنل بارڈر پر ‏دیواگر پر فوجی چوکی کونشانہ بنایا تو پاک فوج نے مؤثر اور فوری جوابی کارروائی کی، فائرنگ ‏کےتبادلےمیں ایک جوان زخمی ہوگیا تھا۔

Comments

اہم ترین

لئیق الرحمن
لئیق الرحمن
لئیق الرحمن دفاعی اور عسکری امور سے متعلق خبروں کے لئے اے آروائی نیوز کے نمائندہ خصوصی ہیں

مزید خبریں