معروف اداکار فیصل قریشی کامیڈی کنگ عمر شریف کی وفات کے حوالے سے بے بنیاد خبریں پھیلانے والوں پر برس پڑے۔
گزشتہ روز عمر شریف کے حوالے سے سوشل میڈیا پر یہ دعویٰ کیا گیا تھا کہ ان کا انتقال ہوگیا ہے اس بے بنیاد خبر کو دیکھ کر فیصل قریشی سیخ پا ہوگئے اور ایک ویڈیو پیغام اور ٹویٹ شیئر کردیا۔
اداکار نے اپنے ویڈیو پیغام میں کہا کہ ’عوام عمر شریف کے حوالے سے غلط خبریں پھیلانے سے گریز کریں، ان کی طبیعت بہت بہتر ہے اور ان کا علاج اب بھی جاری ہے۔‘
فیصل قریشی نے مداحوں کو ایسی خبریں شیئر کرنے والے پیجز کو فالو کرنے سے بھی خبردار کیا۔
ایک ٹویٹ میں فیصل قریشی نے واضح کیا کہ ’عمر شریف کی طبیعت ناساز ہے، وہ اسپتال میں ہیں لیکن وفات کی خبر بے بنیاد ہے۔‘
Its a shame how for a few views or likes some create fake news . Now its come to a point where they even announce people passing away for cheap thrills! Our asset Omar Shareef is indeed unwell but with all duas getting better.
Shame on the ones spreading rumors otherwise.— Faysal Quraishi (@faysalquraishi) September 5, 2021
واضح رہے کہ گزشتہ دنوں عمر شریف کی وہیل چیئر پر بیٹھے تصویر سوشل میڈیا پر زیر گردش تھیں جسے دیکھ کر مداح ان کی صحت کے حوالے سے تشویش میں مبتلا تھے۔