The news is by your side.

Advertisement

بلدیاتی اداروں کی غفلت، موٹر سائیکل سوار گڑھے میں گر گیا

کراچی میں بلدیاتی اداروں کی غفلت اور لاپرواہی کا ایک اور واقعہ سامنے آگیا۔

اے آر وائی نیوز کے مطابق کراچی میں جگہ جگہ کھلے مین ہول اور گندے پانی کی وجہ سے شہری حادثات کا شکار ہونے لگے۔

کراچی کے علاقے کورنگی ویٹا چورنگی کے قریب موٹر سائیکل سوار گڑھے میں گر گیا، واقعے کی سی سی ٹی وی فوٹیج منظر عام پر آگئی۔

ویڈیو میں دیکھا جاسکتا ہے کہ موٹر سائیکل سوار روڈ کراس کرتے ہوئے کھلے مین ہول میں جاگرا، حادثے کا شکار ہونے والے شخص کو قریب موجود افراد نے نکالا۔

واضح رہے کہ اس سے قبل بھی کراچی کے علاقے صفورا چورنگی کے قریب موٹر سائیکل پر سوار دو افراد کھلے مین ہول میں گر گئے تھے۔

موٹر سائیکل پر سوار دونوں افراد کو قریب موجود افراد نے مین ہول سے نکالا تھا، زخمی نوجوانوں کو طبی امداد کے لیے اسپتال منتقل کردیا گیا تھا۔

یاد رہے کہ گزشتہ دنوں کراچی کے علاقے گرومندر اور تین ہٹی کے اطراف ٹوٹی پھوٹی سڑکوں کے باعث شہریوں نے سندھ حکومت کے خلاف بینرز آویزاں کردئیے تھے۔

Comments

یہ بھی پڑھیں