ریاض: سعودی عرب میں قائم پاکستانی قونصل کی جانب سے مدینہ منورہ میں مقیم ہم وطنوں کے لیے اہم اعلان کیا گیا ہے۔
قونصلیٹ جنرل آف پاکستان جدہ کی جانب سے جاری اعلامیے میں بتایا گیا ہے کہ قونصلر ٹیم پانچ اور 6 نومبر کو مدینہ منورہ پہنچ رہی ہے۔
اعلامیے کے مطابق پاکستانی قونصل خانے کے حکام پانچ نومبر کو صبح ساڑھے 8 بجے سے شام پانچ بجے تک پاکستان ہاؤس مدینہ منورہ میں موجود ہیں۔ اس دوران ساڑھے گیارہ بجے سے دوپہر ڈھائی بجے تک نماز کا وقفہ بھی کیا جائے گا۔
مزید بتایا گیا ہے کہ ہفتے کے روز قونصل خانے کی ٹیم صبح ساڑھے آٹھ سے بغیر کسی وقفے کے دوپہر بارہ بجے تک مدینہ منورہ میں قائم پاکستان ہاؤس میں موجود ہو گی۔
قونصل خانے کی جانب سے پاکستانی کمیونٹی کے لیے رابطہ نمبر 0148250782 جاری کیا گیا ہے۔
اعلامیے میں ہدایت کی گئی ہے کہ سعودی حکومت کی جانب سے جاری کردہ احتیاطی تدابیر پر عمل درآمد لازمی ہوگا۔
قونصلر ٹیم کی مدینہ منورہ آمد.#Pakistan pic.twitter.com/GcanC3Mhni
— Pakistan Consulate General Jeddah (@PakinJeddah) November 4, 2021
یاد رہے کہ سعودی عرب کے دارالحکومت میں پاکستانی سفارت خانہ قائم ہے، دیگر شہروں میں رہنے والے پاکستانیوں کو کئی گھنٹوں کی مسافت طے کرنے کے بعد اپنے کسی مسئلے یا دستاویز کی تصدیق کے لیے وہاں پہنچنا پڑتا ہے۔ مدینہ منورہ پہنچنے والی ٹیم پاکستانیوں کی شکایات سُنے گی اور انہیں دور کرنے کی ہر ممکن کوشش کرے گی۔