The news is by your side.

Advertisement

کار سوار ٹریفک وارڈن کو گھسیٹتا ہوا لے گیا، ویڈیو سامنے آگئی

لاہور میں کار سوار روکے جانے پر ٹریفک وارڈن کو گھسیٹتے ہوئے لے گیا، واقعے کی ویڈیو منظرعام پر آگئی۔

اے آر وائی نیوز کے مطابق لاہور کے علاقے میو اسپتال کے قریب نسبت روڈ پر ٹریفک وارڈن نے غیر نمونہ نمبر پلیٹ والی گاڑی کو روکا تو کار ڈرائیور وارڈن کو بونٹ پر گھسیٹتا ہوا لے گیا۔

کار سوار وارڈن کو بونٹ پر 200 میٹر دور تک  گھسیٹتا رہا اور گرا کر فرار ہوگیا۔

ویڈیو میں دیکھا جاسکتا ہے کہ کار سوار نے وارڈن کو ٹکر ماری اور گاڑی دوڑا دی، وارڈن کو بونٹ پر بیٹھے ہوئے کار سوار کو گھسیسٹے ہوئے دیکھا جاسکتا ہے۔

ٹریفک حکام کے مطابق وارڈن نے ڈرائیور کو روکتے ہوئے اس سے کاغذات طلب کرتے ہوئے غیرنمونہ نمبر پلیٹس سے متعلق گفتگو کی لیکن کار سوار رکنے کے بجائے گاڑی دوڑاتا رہا۔

حادثے کے نتیجے میں وارڈن زخمی ہوگیا جسے اہل علاقہ نے طبی امداد کے لیے فوری اسپتال منتقل کیا جہاں اس کی حالت اب خطرے سے باہر بتائی جارہی ہے۔

سی ٹی او لاہور کا کہنا ہے کہ سی سی ٹی وی فوٹیج کی مدد سے گاڑی کو تلاش کیا جارہا ہے، ملزم کار سوار کو جلد گرفتار کرلیا جائے گا۔

Comments

یہ بھی پڑھیں