بھارتی ٹی وی چینل ٹائمز ناؤ کا میزبان راہول شیو شنکر دوران پروگرام غلط مہمان پر برستا رہا جس کی ویڈیو سوشل میڈیا پر وائرل ہوگئی۔
تفصیلات کے مطابق بھارتی ٹی وی چینل ٹائمز ناؤ کے میزبان راہول شیو شنکر کو اس وقت شرمندگی کا سامنا کرنا پڑا جب وہ اپنی ٹیم کی غلطی کی وجہ سے غلط مہمان پر برستا رہا، مذکورہ ویڈیو کلپ سوشل میڈیا پر تیزی سے وائرل ہورہا ہے۔
ویڈیو میں دیکھا جاسکتا ہے کہ مہمان کہہ رہے ہیں کہ میں تو کچھ بولا تک نہیں مجھ پر کیوں چلا رہے ہیں، میزبان کہتا ہے کہ میں آپ پر نہیں مسٹر میک ایڈمز پر چلا رہا ہوں.۔
ویڈیو میں یوکرین جنگ پر بحث جاری ہوتی ہے اس دوران بھارتی شو کے میزبان کو شرمندگی کا سامنا کرنا پڑتا ہے۔
Hands down, this is THE funniest ‘news’ video I have seen in recent times… perhaps the funniest of 2022, amidst all the gloom. Please persist through Rahul Shivshankar’s non-stop verbal diarrhoea and you’d be richly rewarded in the end 😂 pic.twitter.com/ZULpgXFnzu
— Karthik 🇮🇳 (@beastoftraal) March 3, 2022
راہول شیوشنکر نے یوکرینی اخبار کیئو پوسٹ سے وابستہ صحافی بوہدان ناہیل سے مخاطب ہو کر ساری تنقید کی لیکن ان کی ٹیم نے چونکہ یوکرینی صحافی کی جگہ دوسرے مہمان کا نام لکھا ہوا تھا اس لیے وہ اپنا سارا غصہ دوسرے مہمان پر اتارتا رہا۔
پروگرام میں شریک دوسرے مہمان اور ران پال انسٹیٹیوٹ فار پیس اینڈ پراسپیریٹی کے نمائندے ڈینیل مک ایڈمز نے خاصی دیر تک میزبان کی تنقید سنی لیکن معاملہ جب بہت زیادہ آگے بڑھا تو انہوں نے ایسا نہ کرنے کا مطالبہ کر ڈالا۔
انڈین ٹی وی میزبان راہول شیوشنکر کو مخاطب کرتے ہوئے ڈینیل مک ایڈیمز نے کہا کہ وہ خاموش ہیں اس کے باوجود میزبان ان پر مسلسل چلارہے ہیں، معاملہ کی نشاندہی کی متعدد کوششیں کرنے کے بعد بھی جب بھارتی ٹی وی میزبان جذباتی انداز چھوڑ کر خاموش نہ ہوئے تو غیرملکی مہمان نے بلند آواز میں اپنا احتجاج ریکارڈ کروایا۔
مذکورہ ویڈیو کلپ سوشل میڈیا پر تیزی سے وائرل ہورہا ہے اور اسے اب تک لاکھوں صارفین دیکھ چکے ہیں اور اس پر دلچسپ تبصرے بھی کررہے ہیں۔
