The news is by your side.

Advertisement

انٹرنیشنل باکسر بھی کراچی میں لٹ گئے

کراچی میں ڈاکوؤں نے انٹرنیشنل پروفیشنل باکسر نادر بلوچ کو گھر کی دہلیز پر لوٹ لیا۔

اے آر وائی نیوز کے مطابق کراچی کے علاقے اورنگی ٹاؤن میں باکسر نادر بلوچ اے ٹی ایم سے پیسے نکال کر گھر پہنچے تو موٹر سائیکل سوار ملزمان ان کا تعاقب کرتے ہوئے گھر کی دہلیز پر پہنچے اور لوٹ مار کے بعد باآسانی فرار ہوگئے۔

باکسر نادر بلوچ کا کہنا ہے کہ ملزمان نے صرف بینک سے نکلوائی گئی رقم کا مطالبہ کیا موبائل اور والٹ دینے لگا تو منع کردیا۔

نادر بلوچ نے بتایا کہ ڈکیتی کا مقدمہ مومن آباد تھانے میں درج کروادیا ہے۔

ادھر گلستان جوہر بلاک 16 میں مرکزی سڑک پر ملزمان نے مسافر گاڑیوں اور ہوٹل پر بیٹھے افراد کو لوٹ لیا۔

ذرائع کے مطابق دو موٹر سائیکلوں پر سوار 4 ملزمان نے 8 سے زائد شہریوں سے لوٹ مار کی، ماسک لگائے ملزمان شہریوں سے لوٹ مار کرکے فرار ہوگئے۔

کئی شہریوں نے ڈکیتی کی واردات دیکھی تو بھاگ کر خود کو بچایا، واردات شارع فیصل تھانے کی حدود میں ہوئی۔

واضح رہے کہ کراچی میں روزانہ درجنوں شہریوں کو لوٹ لیا جاتا ہے اور ڈکیتی میں مزاحمت کرنے پر گولیاں مار دی جاتی ہیں۔

Comments

یہ بھی پڑھیں