سکھر میں بااثر افراد نے اپنی عدالت لگا لی! مبینہ آلو کی چوری کے الزام میں گویائی سے محروم ذہنی معذور بچے پر بہیمانہ تشدد کر دیا۔
مذکورہ واقعہ صالح پٹ میں پیش آیا جہاں طاہر نامی معذور بچے پر مقامی وڈیرے کے نوکر شبیر منگریو نے دکان سے آلو چوری کے مبینہ الزام میں تشدد کیا۔
بے زباں بچے کو مار مار کر اس کی چمڑی ادھیڑ دی گئی اور بعد میں درخت سے باندھا گیا۔ بچے کی درد بھری چیخوں پر بھی ظالموں کے دل نہ پگھلے، بااثر افراد اسے مارتے رہے اور ہنستے رہے۔
اے آر وائی نیوز نے افسوسناک واقعے کی فوٹیج حاصل کرلی جبکہ پولیس نے اب تک کوئی کارروائی نہیں کی۔
