لاہور: پنجاب اسمبلی کے اسپیکر سبطین خان نے صوبائی گورنر بلیغ الرحمٰن کی تبدیلی کے لیے صدر مملکت ڈاکٹر عارف علوی کو خط لکھنے کا فیصلہ کرلیا۔
ذرائع کے مطابق اسپیکر پنجاب اسمبلی گورنر کے مس کنڈکٹ کے خلاف صدر عارف علوی کو خط لکھیں گے، خط میں وہ گورنر کے غیر آئینی اقدام کی نشاندہی کریں گے۔
ساتھ ہی سبطین خان صدر مملکت سے گورنر پنجاب کو تبدیل کرنے کی درخواست بھی کریں گے۔ گورنر صدر کا نمائندہ ہے آئین شکنی پر مبنی اقدامات سے روکنے کی استدعا کی جائے گی۔
ذرائع کا بتایا ہے کہ اسپیکر پنجاب اسمبلی کی جانب سے صدر مملکت کو آج ہی خط لکھا جائے گا۔
یہ بھی پڑھیں: پیپلز پارٹی اپنا وزیر اعلیٰ پنجاب لانے کے مطالبے سے دستبردار
اسپیکر پنجاب اسمبلی کا گورنر کے مس کنڈکٹ کیخلاف صدر مملکت کو خط لکھنے کا فیصلہ#ARYNews pic.twitter.com/XF3kqNmxrv
— ARY NEWS (@ARYNEWSOFFICIAL) December 21, 2022
خیال رہے کہ وزیر اعلیٰ پنجاب پرویز الٰہی کے خلاف تحریک عدم اعتماد پر گورنر بلیغ الرحمٰن نے انہیں آج اسمبلی سے اعتماد کا ووٹ لینے کی ہدایت کی ہے جس کے لیے نیا اجلاس طلب کیا جانا ہے۔
دوسری جانب اسپیکر سبطین خان نے اسمبلی کے پہلے سے جاری اجلاس کو جمعہ تک ملتوی کر دیا ہے جس کے بعد قانونی ماہرین کا کہنا ہے کہ ایک اجلاس کے اوپر دوسرا اجلاس نہیں بلایا جا سکتا۔