The news is by your side.

Advertisement

پاک جرمن تعلقات کے 70 سال مکمل

کراچی: پاکستان اور جرمنی کے باہمی تعلقات کے 70 سال مکمل ہو گئے ہیں، دونوں ممالک نے باہمی تعلقات کو مزید مضبوط بنانے کا عزم کیا ہے۔

تفصیلات کے مطابق پاک جرمن تعلقات کی سات دہائیاں مکمل ہونے پر جرمن قونصلیٹ میں تقریب کا انعقاد کیا گیا۔

تقریب سے خطاب کرتے ہوئے جرمن قونصل جنرل ہولگر زیگلر نے کہا جرمنی نے پاکستان میں سات دہائیوں سے اپنی سفارتی موجودگی برقرار رکھی ہے، اس دوران جرمنی نے پاکستان کے ساتھ معاشی تعلقات، ثقافت اور ترقی میں ہمیشہ تعاون کیا۔

ہولگر زیگلر نے کہا کہ امید ہے دونوں ممالک مستقبل میں بھی اس دوستی کو برقرار رکھیں گے، ہم دونوں ممالک میں دوستانہ تبادلے میں فعال حصہ لینے کے لیے نوجوان نسل کو ترغیب دیں گے۔

یاد رہے کہ پاک جرمن تعلقات کی سات دہائیاں مکمل ہونے پر وزیر خارجہ شاہ محمود قریشی نے اپریل میں برلن میں جرمن وزیر خارجہ سے ملاقات کی تھی۔

پاک بحریہ کے جہاز پی این ایس ذوالفقار نے اگست میں ہیمبرگ کی بندرگاہ کا دورہ کیا تھا، جب کہ گزشتہ ماہ جرمن فریگیٹ بایرن نے اس سلسلے میں کراچی کا دورہ کیا تھا۔

Comments

یہ بھی پڑھیں