قومی ٹیم کے سابق اوپنر بیٹر عمران نذیر نے تلخ یادوں سے پردہ اٹھا دیا۔
سابق اوپنر عمران نذیر نے حال ہی میں ایک پوڈ کاسٹ میں گفتگو کرتے ہوئے کہا کہ ایئرپورٹ پر اپنے بیگ سے پستول نکلی جس کی وجہ سے تین دن جیل میں گزارے۔
انہوں نے کہا کہ ایئرپورٹ پر مجھ سے تین مرتبہ پوچھا گیا بیگ کس کا ہے جس پر میں نے کہا کہ میرا ہے پھر مجھے الگ کردیا گیا بیگ کے اندر اوپر ہی پستول اور گولیاں موجود تھیں۔
عمران نذیر نے کہا کہ شروع میں مجھے لگا کہ یہ کھلونا ہیں لیکن وہ سب اصلی تھا میرے پیروں کے نیچے سے زمین نکل گئی تھی اس کے بعد مجھے ہتھکڑی لگی اور تین دن جیل میں رہا پھر پی سی بی بھی اس معاملے میں آگیا تھا۔
عمران نزیر کا کہنا تھا کہ جیل سے واپسی پر کوچز نے سکھایا کہ اس واقعے کو برا خواب سمجھ کر بھول جاؤ اور کرکٹ پر توجہ دو۔
واضح رہے کہ عمران نذیر کے کیریئر میں کئی اتار چڑھاؤ آئے، اس سے قبل انہوں نے انکشاف کیا تھا کہ مجھے لگتا ہے کہ مجھے زہر دیا گیا تھا لیکن یہ معلوم نہیں کرسکا کہ یہ کیسے دیا گیا تھا۔
