کراچی کے علاقے گارڈن لیاری ایکسپریس وے پر نامعلوم افراد کی فائرنگ سے ڈاکٹر جاں بحق ہوگیا۔
اے آر وائی نیوز کے مطابق کراچی کے علاقے گارڈن لیاری ایکسپریس وے پر نامعلوم افراد نے کار پر فائرنگ کرکے ڈاکٹر کو قتل کردیا جبکہ گاڑی میں سوار لیڈی ڈاکٹر زخمی ہوگئیں۔
مقتول ڈاکٹر کی شناخت آنکھوں کے ماہر ڈاکٹر بیربل کے نام سے ہوئی ہے، وہ کئی ٹاک شوز اور سیمینارز میں بھی شرکت کرچکے ہیں۔
کراچی: لیاری ایکسپریس وے پر گاڑی پر فائرنگ، ڈاکٹر جاں بحق#ARYNews #Karachi pic.twitter.com/pJBsMFgAXa
— ARY NEWS (@ARYNEWSOFFICIAL) March 30, 2023
ذرائع کے مطابق لیڈی ڈاکٹر قرۃ العین کے کندھے پر گولی لگی ہے جنہیں طبی امداد کے لیے سول اسپتال منتقل کردیا گیا ہے جبکہ ڈاکٹر کی لاش کو بھی ضابطے کی کارروائی کے لیے اسپتال منتقل کیا گیا ہے۔
ذرائع کا بتانا ہے کہ موٹر سائیکل پر سوار نامعلوم افراد ڈاکٹر کو نشانہ بنانے کے بعد باآسانی فرار ہونے میں کامیاب ہوگئے۔
پولیس کا کہنا ہے کہ کرائم سین یونٹ کو جائے وقوعہ پر طلب کرلیا گیا ہے بظاہر واقعہ ٹارگٹ کلنگ کا معلوم ہوتا ہے۔