لاہور: پنجاب نگراں حکومت ہٹانے کے لیے اسپیکر پنجاب اسمبلی نے اعلیٰ عدلیہ سے رجوع کرنے کا فیصلہ کرلیا ہے۔
اے آر وائی نیوز کے مطابق اسپیکر پنجاب اسمبلی سبطین خان کا کہنا ہے کہ پنجاب کی نگراں حکومت اپنی 90 روزہ آئینی مدت مکمل کرچکی ہے، آئینی مدت کے خاتمے کے بعد نگراں حکومت کی قانونی حیثیت ختم ہوگئی ہے۔
انہوں نے کہا کہ سپریم کورٹ سے پنجاب میں متبادل انتظامات کرنے کے لیے رجوع کیا جائے گا۔
سبطین خان نے کہا کہ 22 اپریل کو پنجاب نگراں حکومت کی تین ماہ کے لیے دی گئی آئینی مدت ختم ہوچکی ہے۔
پنجاب نگران حکومت ہٹانے کیلئے اسپیکر پنجاب اسمبلی کا اعلیٰ عدلیہ سے رجوع کرنے کا فیصلہ#ARYNews #Punjab pic.twitter.com/qyQYV5SRTx
— ARY NEWS (@ARYNEWSOFFICIAL) April 28, 2023
اس سے قبل اسپیکر پنجاب اسمبلی سبطین خان کا کہنا تھاکہ پنجاب اور کے پی کے میں الیکشن ہونے کی صورت میں اسمبلی بحال کرنے کی پٹیشن دائر نہیں کی جائے گی۔
انہوں نے کہا کہ ایک ہی دن الیکشن کچھ ماہ بعد کرانے کا فیصلہ آیا تو پٹیشن دائر کی جائے گی، الیکشن کچھ ماہ بعد ہوں تو نگران حکومت رہنے کا کوئی قانونی جواز نہیں ہے، عوام کی منتخب کردہ ہی حکومت کرنے کا اختیار رکھتے ہیں۔
اسپیکر پنجاب اسمبلی کا کہنا تھاکہ پٹیشن میری اور اسپیکر کے پی کے مشتاق غنی کی جانب سے تیارکی گئی ہے۔
