بھارت میں دھماکے سے 9 افراد ہلاک، متعدد زخمی

نئی دہلی : بھارتی ریاست آندھیرا پردیش میں خوفناک دھماکے کی زد میں آکر 9 افراد ہلاک اور متعدد زخمی ہوگئے۔

غیر ملکی خبر رساں ادارے کی رپورٹ کے مطابق دھماکا بھارتی ریاست آندھیرا پردیش کے ضلع کڈپا کے کالا سپڈو منڈل کے مضافات میں ہوا، دھماکے سے قبل شہری بڑی تعداد میں جائے وقوعہ پر موجود تھے جس کے باعث متعدد زد میں آئے ہیں۔

بھارتی میڈیا کا کہنا ہے کہ دھماکے کے نتیجے میں 9 افراد لقمہ اجل بنے، جن کی لاشیں ٹکڑوں میں زمین پر پھیل گئیں۔

ریسکیو اہلکاروں نے دھماکے کی جگہ پہنچ کر زخمیوں کو ایمبولینس کے ذریعے اسپتال منتقل کیا جب کہ پولیس نے جائے وقوعہ کو سیل کرکے تحقیقات کا آغاز کیا۔

پولیس کا کہنا ہے کہ دھماکا جانوروں کی آلائیشوں سے بھری (جیلیٹن) گاڑی میں ہوا، جسے بڈویل سے مگوراللہ لے جایا جارہا تھا۔

Comments