امریکہ وسطی ایشیا کی سیکیورٹی سے متعلق پر عزم ہے، جان کیری

ترکمانستان : افغانستان سے فوجوں کی واپسی کے فیصلے کے باوجود امریکہ وسطی ایشیا کی سیکیورٹی سے متعلق پر عزم ہے، امریکی وزیرخارجہ جان کیری نے ترکمانستان کے صدر کو یقین دہانی کرادی.

امریکی وزیرخارجہ جان کیری نے دورہ ترکمانستان کے دوران ترکمانستان کے صدرسے ملاقات کی، ملاقات کے دوران جان کیری نے خطے کی سیکورٹی سے متعلق یقین دہانی کرائی، خطے میں داعش کے بڑھتے ہوئے اثرورسوخ کے پیش نظر ترکمانستان کو تشویش ہے تاہم امریکا کا ماننا ہے کہ جنگجوؤں کیخلاف کارروائی کے نتیجے میں عدم توازن کا خدشہ ہے۔

ملاقات کے بعد میڈیا سے گفتگو میں جان کیری کا کہنا تھا کہ دونوں ممالک جلد اسٹریٹیجک سیکورٹی سے متعلق یادداشت پر دستخط کریں گے۔

اس سے قبل جان کیری نے تاجکستان کے دارلحکومت دوشنبہ میں تاجک صدر سے ملاقات کی تھی.

Comments