واشنگٹن: امریکی میڈیا نے ریاست بہار میں بی جے پی کی ہار کو وزیراعظم نریندر مودی کی شکست قرار دے دیا۔
امریکہ اخبار نیویارک ٹائمز لکھتا ہے بھارتی ریاست بہارکےعوام نے نریندر مودی کی مذہبی منافرت کی پالیسی مستردکردی، بھارتی ریاست بہارکےاسمبلی انتخابات مودی کیلئےسبق ہیں۔
اخبار کے مطابق مودی کاعام انتخابات میں لگایا گیا نعرہ ترقی سب کیلئےبری طرح ناکام رہا ہے، مودی حکومت میں معاشی ترقی کے وعدے کے بجائے مذہبی کشیدگی کوہوادی گئی۔
امریکی اخبار کہتا ہے بہارمیں بی جےپی کی شکست دراصل مودی کی شکست ہے،امریکی اخبار کے مطابق مسلمانوں کی جانب سے اپیلوں کےباوجود مودی نے اپنی پارٹی کے لیڈروں کے نفرت انگیزبیانات نظراندازکیئے، مودی نے گائے کے گوشت پر ہونےو الے مسلمانوں کے قتل کے واقعات کی مذمت تک نہیں کی۔
امریکی اخبار کہتا ہے وزیرا عظم نریندر مودی نےبہار کی الیکشن مہم میں مذہب کی بنیادپر تقسیم کی کوشش کی جس میں وہ ناکام ہوئے،امریکی اخبار نے مودی سےنفرت پروری اور زہرآلودسیاست ترک کامطالبہ کیا ہے۔