کیلی فورنیا: کیلی فورنیا واقعے کی تحقیقات جاری ہیں، امریکا کے وفاقی تحقیقاتی ادارے ایف بی آئی کا کہنا ہے کہ مبینہ حملہ آور جوڑے کے انتہا پسند خیالات کی کھلے عام حمایت کرنے کے ثبوت نہیں ملے۔
امریکی تحقیقاتی ادارے ایف بی آئی کے سربراہ جیمز کومی نے میڈیا سے گفتگو میں کہا کہ کیلی فورنیا فائرنگ کے مبینہ حملہ آور جوڑے رضوان فاروق اور تاشفین ملک نے سماجی رابطوں کی ویب سائٹس پر انتہا پسند اقدامات کی حمایت کا کوئی ثبوت نہیں ملا، اس بارے میں گردش کرنے والی اطلاعات درست نہیں۔
انھوں نے کہا کہ تاشفین اوررضوان فاروق کے کسی انتہاپسند تنظیم سے رابطوں کا بھی کوئی سراغ نہیں ملا۔
امریکی ریاست کیلی فورنیا کے علاقے سان برنارڈینو میں معذوروں کے مرکز پرفائرنگ کے واقعے میں چودہ افراد ہلاک ہوگئے تھے جس کا ذمہ دار تاشفین ملک اوررضوان فاروق کو قراردیا گیا تھا۔
Comments
- Advertisement -
