دبئی : متحدہ عرب امارات میں موسلادھاربارشوں سے سڑکیں تالاب بن گئیں۔ ٹریفک روانی بری طرح متاثرہوئی،اسکول بندکردیئے گئے۔
تفصیلات کے مطابق متحدہ عرب امارات کے محکمہ موسمیات کی پیش گوئی صحیح ثابت ہوئی۔ دبئی،ابوظہبی، راس الخیمہ اورفجیرا میں شدید بارش سےنظام زندگی مفلوج ہوگیا۔
- Advertisement -
بارش سے سڑکیں تالاب کا منظر پیش کرنے لگیں۔ ابوظہبی میں بارش نے صحیح معنوں میں نقصان پہنچایا،درخت اورپول گرگئے،عمارتوں اورگاڑیوں کےشیشے چکنا چور ہوگئے۔
مزید بارش کی پیشنگوئی کے باعث اسکولوں میں دو دن کی چھٹی دے دی گئی۔ ابوظہبی ائیرپورٹ بند کردیا گیا۔ اور ائیر شو بھی آج کے لئے کینسل کردیا گیاہے۔
شدید بارشوں کی وجہ سےدبئی میں اے آر وائی فلم ایوارڈز ملتوی کردیئے گئے۔ جو اب اپریل میں ہوں گے۔
