اقوام متحدہ ایران کو دی جانے والی دعوت سے دستبردار ہوگیا، ایران نے اس سے قبل شام اورعالمی طاقتوں کے درمیان حکومت کی منتقلی کے معاہدے کی حمایت سے انکار کردیا۔
اقوام متحدہ نے ایران کو مذاکرات سے باہر کرتے ہوئے کہا ہے کہ ایران کے اس اقدام سے مایوسی ہوئی ہے، سوئیزرلینڈ میں ہونے والے مذاکرات سے قبل بان کی مون نے ایران کی اہمیت کے پیش نظر مذاکرات میں شرکت کی دعوت دی۔
جس کے جواب میں ایران نے دو ہزار بارہ میں حکومت کی منتقلی پر ہونیوالی ڈیل کو ماننے سے انکار پر مذاکرات پر رضامندی ظاہر کی تھی، جسکے باعث شامی اپوزیشن نے مذاکرات میں شرکت نہ کرنے کی دھمکی دی تھی، تاہم ایران کے مذاکرات سے باہر ہونے پر اپوزیشن نے مذاکرات میں شرکت کی تصدیق کردی ہے۔
