میڈرڈ: اسپین میں سماجی رابطے کی ویب سائٹ کے ذریعے شدت پسندی پھیلانے کے الزام میں تین پاکستانیوں کو گرفتار کر لیا گیا.
تفصیلات کے مطابق اسپین کے سیکورٹی اداروں نے کارروائی کے دوران ملک میں سماجی رابطے کی ویب سائٹ کے ذریعے شدت پسندی پھیلانے کے الزام میں تین پاکستانیوں کو گرفتار کرلیا.
وزارت داخلہ کے مطابق یہ تمام افراد اسپین کے شمال مشرقی علاقے میں رہائش پذیر تھے جہاں سے یہ دہشت گرد تنظیم داعش کی کارروائیوں اور طالبان کی حمایت میں مواد فراہم کررہے تھے.
یاد رہے کہ اس سے قبل بھی اسپین میں شدت پسندی پھیلانے کے الزام میں پاکستانی کو گرفتار کیا گیا تھا جب کہ رواں سال اب تک انتیس افراد کو دہشت گردی پھیلانے کے الزامات میں گرفتار کیا جاچکا ہے جن کا تعلق دیگر ممالک سے ہے.
Comments
- Advertisement -
