اسلام آباد: وفاقی وزیر خزانہ اسحاق ڈار کا کہنا تھا کہ ملکی زرمبادلہ کے ذخائر تاریخی سطح پر پہنچ چکے ہیں۔
تفصیلات کے مطابق ایف بی آر کی تقریب سے خطاب کرتے ہوئے وفاقی وزیر خزانہ اسحاق ڈار کہا ہے کہ مالیاتی پالیسی کے نتائج سامنے آرہے ہیں ملکی زرمبادلہ کے ذخائر تاریخی سطح پر پہنچ چکے ہیں۔
وفاقی وزیر خزانہ کا کہنا تھا کہ ملک کو دیوالیہ قراردینے والے پنڈتوں کی پیش گوئیاں غلط ثابت ہوئیں، ملکی کرنسی مستحکم جبکہ ریٹنگ میں اضافہ ہوا ہے۔
اسحاق ڈار نے کہا کہ معاشی ترقی کے لیے سخت فیصلے کیے ہیں کبھی سمجھوتہ نہیں کیا ،ایف بی آر کو ہر قسم کے دباؤ سے آزاد کردیا ہے تاہم مستقبل میں معاشی استحصالی کا عمل جاری رہے گا۔
انہوں نے مزید بتایا کہ تین سال میں بجٹ خسارہ 8.8سے 4.5پر لے آئے جبکہ تین سال میں ٹیکس محاصل میں 60فیصد اضافہ ہوا ہے۔
