کراچی: ملکی زر مبادلہ کے ذخائر میں 397ملین ڈالر کمی واقع ہوئی،5 اگست 2016ء کو ختم ہونے والے معاشی ہفتے کے اختتام پر زر مبادلہ کے ذخائر22,595.1 ملین امریکی ڈالرکی سطح تک پہنچ گئے۔
اسٹیٹ بینک کے ہفتہ وار معاشی اعداد و شمار کے مطابق پاکستان کے زرمبادلہ کے ذخائر کچھ اس طرح ہیں کہ مرکزی بینک کے پاس موجود ذخائر کی مالیت 17,664.2 ملین امریکی ڈالر ہے جبکہ دیگر بینکوں کے پاس موجود ذخائر 4,930.9 ملین امریکی ڈالر ہے۔
اسٹیٹ بینک کے مطابق پاکستان کے غیرملکی زرمبادلہ کے ذخائر 05 اگست دو ہزار سولہ کو معاشی ہفتے کے اختتام پر مذکورہ ذخائر میں 397 ملین امریکی ڈالر کی کمی واقع ہوئی ہے۔
- Advertisement -
واضح رہے کہ آئی ایم ایف اور دیگر عالمی مالیاتی اداروں کی جانب سے دیئے گئے قرضوں کے باعث ملکی زرمبادلہ کے ذخائر تاریخ کی بلند ترین سطح 23 ارب ڈالر سے بھی تجاوز کر گئے تھے۔
