نئی دہلی : نائب صدر کانگریس راہول گاندھی نے وزیراعظم نریندرمودی پرشدید تنقید کرتے ہوئے کہا کہ وہ مودی کیلئے دعا کرتے ہیں کہ خدا انہیں جہالت سے آزادی عطا کرے۔
راہول گاندھی نئی دہلی میں پارٹی کے دفتر کا سنگ بنیاد رکھنے کی تقریب میں مودی کے متنازعہ بیان پر تبصرہ کرتے ہوئے کہا کہ کانگریس پارٹی نے بی جے پی کے مقابل میں اور کسی دیگرہندوستانی پارٹی کی بھی نسبت زیادہ قربانیاں دی ہیں۔
Modiji a prayer for you:
"Asatoma Sadgamaya
Tamasoma Jyotirgamaya
Mrityorma Amritam gamaya
Om shanti shanti shanti”https://t.co/ZwXiOiMHTY— Office of RG (@OfficeOfRG) August 19, 2016
سماجی رابطے کی ویب سائیٹ ٹوئیٹرپراپنے ایک پیغام میں کانگریس کے نائب صدرراہول گاندھی نے نریندر مودی کو تنقید کا نشانہ بناتے ہوئے تحریرکیا ہے کہ مودی جی میں آپ کیلئے دعاکرتا ہوں” اساتوسا سدامیا تی سوما جیوترگامیا مرینورما امریتم گی! اوم شانتی شانتی شانتی”مجھے جہالت سے صداقت کی طرف، ظلمت سے نور کی طرف، موت سے ابدی زندگی کی طرف لے چل۔ تمام ذی حیات مخلوق کے لئے امن ہو۔
واضح رہے بھارتی وزیر اعظم نریندر مودی نے اپنے ایک بیان میں کہا تھا کہ بی جے پی کو آزاد ہندوستان میں اس سے زیادہ مصائب برداشت کرنے پڑے تھے جتنے کہ برطانوی دوراقتدارمیں کانگریس کو برداشت کرنے پڑے تھے۔