کراچی : مالی سال 2015-16ء کے دوسرے ماہ (اگست 2016ء ) کے تیسرے ہفتے کے دوران مہنگائی کی شرح میں 0.21 فیصد اضافہ ریکارڈ کیا گیا ، جبکہ کم آمدنی والے طبقے کے لئے قیمتوں کے حساس اشاریئے میں 0.16 فیصداضافہ دیکھنے میں آیا ۔
پاکستان بیورو شماریات کے اعداد و شمار کے مطابق 19اگست کو ختم ہونے والے ہفتے کے دوران زندہ مرغی ،انڈے، لہسن ،آلو ،دال مونگ ،ایل پی جی ،چینی ،گڑ ، مٹن ،بیف ،سرخ مرچ ،باسمتی چاول ، اری چاول، ویجی ٹیبل گھی ،تازہ دودھ ، دھی ،سمیت 18 اشیائے ضروریہ کی قیمتوں میں اضافہ ہوا، ٹماٹر، پیاز ، کیلے، دال مسور ،دال ماش، چنے کی دال ،آٹا،مسٹرڈ آئل ،سمیت8 اشیائے ضروریہ کی قیمتوں میں کمی ریکارڈ کی گئی۔
ادارہ شماریات کے مطابق پٹرول ،ڈیزل ،مٹی کاتیل ،بجلی کے نرخ ،چائے ،کپڑے، ملک پاؤڈ، خوردنی تیل، گندم ، نمک ، گیس نرخ ،اورکھلا گھی سمیت 27 اشیائے کی قیمتوں میں استحکام رہا۔
ادارہ شماریات کے مطابق گزشتہ ہفتہ کے مقابلے میں آٹھ ہزار تا بارہ ہزار آمدنی ، بارہ ہزار تا اٹھارہ ہزارآمدنی ، اٹھارہ ہزار تا پینتیس ہزار تک اور پینتیس ہزار روپے سے زائد آمدنی والے افراد کے گروپوں کیلئے قیمتوں کے حساس اعشاریے میں بالترتیب 0.20 ، 0.21 ،0.24 اور 0.25 فیصداضافہ ریکارڈ کیا گیا ۔
