میڈرڈ: اسپین میں ستر سال بعد نمودار ہونے والے سپر مون دیکھا گیا جبکہ دنیا کے کئی ممالک سمیت پاکستان میں سپر مون کا آج دیکھا جائے گا۔
اسپین کے لوگوں نے’سپر مون’ کا ںظارہ کیا، زمین کے قریب تر ہونے کی وجہ سے یہ عمومی سائز سے 14 فیصد بڑا اور تیس فیصد زیادہ روشن دیکھائی دیا۔
دارلحکومت میڈریڈ میں سپر مون نظر آیا تو سارا شہر چاند کی روشنی سے جگمگا اٹھا، سپر مون اسپین کے تفریحی مقام پر دیکھا گیا۔۔جہاں بچوں اور بڑوں نے مکمل چاند کی تصویریں کھینچیں۔
امریکا کی مختلف ریاستوں میں سپر مون کا نظارہ کیا گیا، نیویارک سپر مون کی روشنی سے جگمگا اٹھا، کیلی فورنیا کے شہر لاس انجلس میں سپر مون کا دیدہ زیب منظر دیکھا گیا۔
انیس سو اڑتالیس کے بعد پہلی بار چاند زمین سے اس کم فاصلے پر آیا، یہ فاصلہ عام طور پر زمین اور چاند کے درمیان موجود فاصلے سے تقریباً 35 ہزار 4 سو کلومیٹر کم ہے۔
جو لوگ اس بار سپر مون کے نظارے کو دیکھ نہیں پائیں گے انہیں 25 نومبر 2034 تک انتظار کرنا پڑے گا ۔
یہ سپرمون نہ صرف 2016 کا سب سے بڑا چاند ہے بلکہ 21 ویں صدی میں ہونے والا اب تک کا سب سے بڑا سپر مون بھی ہے۔
ناسا کے مطابق چاند جب زمین کے انتہائی قریب آ جائے تو اسے سپرمون کہا جاتا ہے اور اس سے قبل ایسا نظارہ ستر سال قبل دیکھنے کو ملا تھا۔
اسپین میں سپر مون کی تصاویر
