اوہایو : امریکی ریاست اوہایو کے ایک نائٹ کلب میں فائرنگ کے واقعے میں ایک شخص ہلاک اور 14 افراد زخمی ہوگئے ہیں۔
امریکی ریاست اوہائیو کے علاقہ سنسناٹی کے نائٹ کلب میں فائرنگ سے ایک شخص ہلاک اور 14 افراد زخمی ہوگئے، واقعہ مقامی وقت کے مطابق رات 2 بجے کے قریب پیش آیا، واقعہ کے وقت کلب میں سینکڑوں افراد موجود تھے۔
عینی شاہدوں کے مطابق ایک شخص نے کلب میں موجود افراد پر فائر کھول دیا۔
سِنسناٹی پولیس ڈپارٹمنٹ کے مطابق کیمیو نائٹ کلب میں فائرنگ کے واقعے میں کم از کم دو افراد ملوث تھے، پولیس نے مقامی ٹی وی کو بتایا کہ زخمی ہونے والے کئی افراد کی زندگیاں خطرے میں ہیں۔
پولیس کے مطابق حملہ آور مفرور ہیں اور پولیس کے پاس فی الحال ان کے حلیے کے بارے میں زیادہ معلومات نہیں ہیں، فائرنگ کرنے والے کے بارے میں اگر کوئی معلومات فراہم کرتا ہے تو تحقیقات میں مدد ملے گی ۔
سِنسنناٹی پولیس ڈپارٹمنٹ کے مطابق کیمیو نائٹ کلب میں فائرنگ کے واقعے میں کم از کم دو افراد ملوث تھے، پولیس نے مقامی ٹی وی کو بتایا کہ زخمی ہونے والے کئی افراد کی زندگیاں خطرے میں ہیں۔ پولیس کے مطابق حملہ آور مفرور ہیں اور پولیس کے پاس فی الحال ان کے حلیے کے بارے میں زیادہ معلومات نہیں ہیں۔
پولیس کا کہنا ہے کہ حملہ آور کی تلاش کے لیے سرچ آپریشن شروع کردیا گیا ہے، واقعے میں دہشت گردی کےعنصر کو نظر انداز نہیں کیا جاسکتا۔
مزید پڑھیں : امریکی شہراورلینڈو کےنائٹ کلب میں فائرنگ، 49 افراد ہلاک، 53 زخمی
واضح رہے کہ اس سے قبل بھی امریکی ریاست فلوریڈا میں اورلینڈو کے ایک نائٹ کلب میں عمر متین نامی شخص نے فائرنگ کردی تھی ، جس میں 49 افراد ہلاک اور اور 53 زخمی ہوئے تھے۔
