کیلی فورنیا: موبائل فون کی معروف مسیجنگ ایپ واٹس ایپ نے اینڈرائیڈ اور آئی او ایس بیٹا ورژن کے لیے البم فیچر متعارف کروادیا ہے۔
تفصٰیلات کے مطابق اسمارٹ فون کی معروف میسجنگ ایپ واٹس ایپ نے صارفین کے لیے ایک اور فیچر متعارف کروانے کا اعلان کیا ہے، واٹس ایپ کا البم نامی یہ فیچر آزمائشی طور پر بیٹا ورژن کے لیے متعارف کروایا جاچکا ہے۔
اب ایک ساتھ بھیجی جانے والی تصاویر البم کی صورت میں دکھیں گی، ابتدائی چار تصاویر اسکرین پر نظر آئیں گی تاہم اسے کھول کر بقیہ تصاویر باآسانی دیکھی جاسکیں گی۔
SNEAK PEEK #2
WhatsApp for iOS 2.17.20: new album feature!
Opening an album, you can see all shared photos (DISABLED BY DEFAULT) pic.twitter.com/s6bmJh5mBE
— WABetaInfo (@WABetaInfo) April 21, 2017
کسی بھی صارف کی جانب سے بھیجی جانے والی البم میں موجود تصاویر کی تعداد بتائی جائے گی جنہیں دیکھنے کی خواہش رکھنے والاصارف اُسے کھول کر دیکھ سکے گا۔
پڑھیں: ’’ واٹس ایپ سے آن لائن رقم کی ترسیل جلد ممکن ہوگی ‘‘
واٹس ایپ انتظامیہ کے مطابق یہ فیچر کسی چیٹ یا گروپس میں تصاویر کے تعداد کو کم کرنے میں مددگار ثابت ہوگا کیونکہ اس کے ذریعے ایک وقت میں پانچ سے زائد تصاویر بھیجی جاسکیں گی۔
یہ بھی پڑھیں: ’’ واٹس ایپ: غلطی سے بھیجا ہوا میسج ایڈٹ کرنا ممکن ‘‘
منتظمین کا کہنا ہے کہ یہ فیچر آزمائشی طور پر بیٹا ورژن کے لیے دستیاب ہیں تاہم تجربہ کامیاب ہونے کے بعد اسے بہت جلد عام صارفین کے لیے متعارف کرادیا جائے گا۔