اسلام آباد : چیئرمین پاکستان تحریک انصاف عمران خان کا کہنا ہے کہ نااہلی کےبعد نوازشریف جمہوری نظام کاقلع قمع چاہتے ہیں۔
تفصیلات کے مطابق تحریک انصاف کے سربراہ عمران خان کا کہنا ہے کہ سپریم کورٹ کےفیصلےکوجھٹلا کر نوازشریف عدالتی نظام تباہ کرنا چاہتے ہیں۔
نوازشریف کی جانب سے جی ٹی روڈ پر جلوس کے ہمراہ لاہور جانے کے اعلان پر چیرمین تحریک انصاف عمران خان نے تشویش کا اظہار کرتے ہوئے کہا کہ نوازشریف کا منصوبہ سپریم کورٹ کے فیصلے کا مذاق اڑانے کے مترادف ہے۔
My statement on how NS after disqualification is seeking to destroy the judiciary and the democratic system pic.twitter.com/zNjc8NeMZQ
— Imran Khan (@ImranKhanPTI) August 6, 2017
عمران خان نے کہا کہ نوازشریف اپنی نااہلی کے بعد پورا جمہوری نظام تباہ کرنے پر تلے ہوئے ہیں جبکہ نوازشریف کرپشن بے نقاب ہونے پرہی قیادت کا اخلاقی جواز کھو چکے تھے۔
تحریک انصاف کے سربراہ کا کہنا ہے کہ نوازشریف کی ریلی کا دوسرا بڑا مقصد نیب پردباؤ ڈالنا ہے انہوں نے کہا کہ نیب شریفوں کےخلاف کرپشن،منی لانڈرنگ جیسےکیسزپرکارروائی کرے گی۔
بہت کچھ سمجھ میں آرہا ہےلیکن خاموش رہناچاہتا ہوں‘ نوازشریف
واضح رہے کہ گزشتہ روز نوازشریف کا کہنا تھا کہ بہت کچھ سمجھ میں آرہا ہے اور کہنا چاہتاہوں لیکن ابھی خاموش رہنا چاہتا ہوں۔
