میکسیکو سٹی: میکسیکومیں آنے والے ملکی تاریخ کے شدید ترین زلزلے میں مرنے والوں کی تعداد 90 ہوگئی ہے۔
تفصیلات کے مطابق میکسیکوکے جنوبی حصے میں آنے والے شدید زلزلے میں ہلاک ہونے والوں کی تعداد کم از کم 90 ہوگئی ہے، سب سے زیادہ ہلاکتیں جنوب مغربی ریاست اوکساکا میں ہوئی ہیں۔
زلزلے کے بعد ہزاروں خاندان سڑکوں پر رات گزارنے پر مجبور ہیں جبکہ میکسیکو کے زلزلہ ریکارڈ کرنے والےادارے کا کہنا ہے کہ جمعرات کو آنے والے شدید زلزلے کے بعد سے 721 بار آفٹر شاک کی صورت میں زلزلے کے جھٹکے محسوس کیے گئے ہیں۔
خیال رہے کہ جمعرات کو میکسیکو کے جنوبی علاقے اور گواتیمالا کی سرحد کے قریب زلزلے کے شدید جھٹکے محسوس کیے گئے تھے۔
امریکی جیولوجیکل سروے کے مطابق ریکٹر اسکیل پر زلزلے کی شدت 8.2 ریکارڈ کی گئی تھی، زلزلہ پیما مرکز کے مطابق زلزلے کا مرکز مرکزی شہر پجی جیاپان سے 54 میل دور 43 میل کی گہرائی میں تھا۔
یاد رہے کہ مکیسکیو کے جنوبی ساحلی علاقوں اور بحر ہند میں محسوس کیے جانے والے زلزلے کے شدید جھٹکے مسلسل 90 منٹ تک محسوس کیے گئے تھے، ماہرین نے زلزلے کی شدت کو دیکھتے ہوئے سونامی وارننگ جاری کی تھی۔
واضح رہے میکسیکو کے صدرارنقی پینا نیٹو کے مطابق یہ 1985ء کے بعد میکسیکو میں آنے والا سب سے شدید زلزلہ ہے۔
