کراچی : پی آئی اے نے پرانے جہازوں کی فروخت کا کام شروع کردیا، طیاروں کی فروخت سے دو سے ڈھائی ملین ڈالرز متوقع ہے۔
تفصیلات کے مطابق پی آئی اے کے25سال سے زائد پرانے چارائیر بس 310 طیاروں کی فروخت کا باقاعدہ آغاز ہوگیا ہے، انجن کے بغیر بطور اسکریپ پہلا ائیر بس طیارہ ایک کروڑ روپے میں فروخت کر دیا گیا۔
ذرائع کا کہنا ہے کہ طیاروں کی مبینہ فروخت پر مبنی پی آئی اے انتظامیہ کے پلان کی منظوری بورڈ آف ڈائریکٹرز نے دی تھی، بی جی او، بی ای سی رجسٹریشن نمبر کے اسکریپ طیاروں میں سے دوسرا طیارہ بھی جلد فروخت کیا جائے گا۔
ذرائع کا مزید کہنا ہے کہ فروخت کئے جانے والے بی جی پی، بی جی آر رجسٹریشن نمبر کے دیگر دو طیاروں کے انجن جزوی طور پر کارآمد ہیں۔
قابل اڑان سائیکلز کے حامل انجنز کے ساتھ ان طیاروں کی فروخت دو سے ڈھائی ملین ڈالرز میں متوقع ہے، جبکہ جرمنی میں موجود بی ای او رجسٹریشن کے حامل ائیر بس طیارے کی فروخت ایک سے ڈیڑھ لاکھ ڈالرز میں متوقع ہیں۔
مزید پڑھیں: ایئر بس کی فروخت، پی آئی اے کے جرمن کنسلٹنٹ فرار
ذرائع نے بتایا ہے کہ جرمنی کے میوزیم میں موجود اس طیارے کی منتقلی کے ضمن میں ائر لائن اور ایف آئی اے تحقیقات کر رہی ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
