زہریلے یا نقصان پہنچانے والے جانور دیکھ کر انسان کے اعصاب کام کرنا چھوڑ دیتے ہیں تاہم ہمارے ارد گرد کچھ ایسے بہادر لوگ بھی موجود ہیں جو کسی بھی خطرے کا سامنا کرنے کے لیے ہمہ وقت تیار رہتے ہیں۔
اگر کسی شخص کو سانپ کی موجودگی کا علم ہوجائے تو وہ اُس مقام سے ہٹ جانے میں ہی عافیت سمجھتا ہے کیونکہ یہ خوف ہوتا ہے کہ اگر سانپ نے ڈس لیا تو جان جانے کا خدشہ ہے ہاں اور اگر کسی کو اژدھے کی موجودگی کا علم ہوجائے تو پھر اُس جگہ سے کئی فٹ کی دوری پر جانا ہی بہتر سمجھا جاتا ہے۔
سانپ بڑا ہو یا معمولی اسے خوف کی علامت ہی سمجھا جاتا ہے تاہم بھارتی ریاست کیرالہ کے نوجوان نے بغیر کسی حفاظتی اقدامات کے دیوہیکل اژدھا پکڑ کر سب کو حیران کردیا۔
انٹرنیٹ پر وائرل ہونے والی ویڈیو میں دیکھا جاسکتا ہے کہ ایک نوجوان نے بنا خوف و خطر زمین پر موجود اژدھے کو ہاتھوں میں اٹھایا، صارفین ویڈیو دیکھ کر خوف زدہ ہوگئے۔
ویڈیو دیکھیں
نوٹ: ویڈیو دیکھنے والے لوگوں سے درخواست ہے کہ وہ کسی بھی نقصان سے بچنے کے لیے اس طرز کے اقدامات سے گریز کریں۔
