ریاض: کنگ خالد ائیرپورٹ پر حوثی باغیوں کی جانب سے بیلسٹک میزائل سے حملہ کیا گیا ہے جسے سعودی ایئر ڈیفنس نے ناکام بنادیا جس کے باعث حملے سے کوئی جانی و مالی نقصان نہیں ہوا.
تفصیلات کے مطابق یمن کے باغی کے گروہ حوثی مزاحمت کاروں کی جانب سے سوشل میڈیا پر ریاض میں واقع الخالد ایئرپورٹ پر بیلسٹک میزائل سے حملہ کرنے کا دعوی کیا ہے جس کی ویڈیو بھی جاری کردی گئی ہے.
الجزیرہ کے مطابق حوثی باغیوں کے ترجمان نے الجزیرہ سے بات کرتے ہوئے میزائل حملے کا دعوی کرتے ہوئے بتایا کہ 800 کلومیٹر تک مار کرنے والے برقان ایچ ٹو نامی میزائل داغا گیا ہے جو اپنے ہدف تک پہنچنے میں کامیاب رہا.
حوثی باغیوں کے ترجمان ٹیلی ویژن المسیرہ نے بھی اپنے سوشل میڈیا اکاؤنٹ پر اس خبر کی تصدیق کی ہے تاہم اب تک حملے کی وجوہات اور اس میں ہونے والے نقصان کے حوالے سے کوئی اطلاع موصول نہیں ہوئی ہے.
دوسری جانب سعودی میڈیا نے سعودی ایئر ڈیفنس کے حوالے سے کہا ہے کہ سعودی ائیرڈیفنس سسٹم نے ریاض کے شمال مشرق کی طرف سے بیلسٹک میزائل کو ٹریس کرلیا گیا ہے جسے ناکارہ بنادیا گیا جوکہ یمن کی جانب سے داغا گیا تھا تاہم میزائل گرنے سے کوئی نقصان نہیں ہوا ہے.
https://twitter.com/MasirahTV/status/926870222291832832
