اسلام آباد: وزیرِ اعظم عمران خان نے دھرنے میں سرکاری و نجی املاک کے نقصان پر برہمی کا اظہار کرتے ہوئے شر پسندی کے مرتکب افراد کو گرفتار کرنے کا حکم دے دیا۔
تفصیلات کے مطابق وزیرِ اعظم عمران خان نے دھرنے کے دوران سرکاری و نجی املاک کے نقصان پر اظہار برہمی کرتے ہوئے شر پسندی کے مرتکب افراد کو گرفتار کرنے کا حکم دے دیا ہے۔
[bs-quote quote=”وزیرِ اعظم کو ملکی صورتِ حال سے متعلق مسلسل آگاہ رکھا گیا: ذرائع” style=”style-7″ align=”left” color=”#dd3333″][/bs-quote]
ذرائع کے مطابق وزیرِ اعظم نے کہا ہے کہ املاک کو نقصان پہنچانے والوں کے خلاف کارروائی کی جائے، املاک کا نقصان کسی صورت قابلِ قبول نہیں۔
وزیرِ اعظم عمران خان نے کہا ہے کہ وفاق اور صوبائی حکومت مل کر شر پسند عناصر کے خلاف کارروائی کریں۔
ذرائع کا کہنا ہے کہ وزیرِ اعظم کو ملکی صورتِ حال سے متعلق مسلسل آگاہ رکھا گیا ہے۔ عمران خان وزیرِ اطلاعات سمیت متعدد وزرا سے رابطے میں ہیں۔
یہ بھی پڑھیں: پاکستان اور چین کے درمیان 15معاہدوں اور یادداشتوں پر دستخط
خیال رہے کہ وزیرِ اعظم چین کے 5 روزہ سرکاری دورے پر ہیں، وفاقی وزرا شاہ محمود، اسد عمر، خسرو بختیار، شیخ رشید، مشیر تجارت عبد الرزاق داؤد، وزیرِ اعلیٰ بلوچستان جام کمال بھی وزیرِ اعظم کے ہم راہ ہیں۔
پاکستان اور چین کے درمیان وفود کی سطح پر ہونے والے آج کے مذاکرات میں دوطرفہ تعاون کے پندرہ معاہدوں اور مفاہمت کی یادداشتوں پر دستخط کیے گئے، چینی وفد کی قیادت چین کے وزیرِ اعظم لی کی چیانگ جب کہ پاکستانی وفد کی قیادت وزیرِ اعظم عمران خان نے کی۔