ریاض: سعودی عرب میں ہائی وے پر دو گاڑیوں میں تیز رفتاری کے باعث ہونے والے تصادم کی ویڈیو سوشل میڈیا پر وائرل ہوگئی۔
عرب میڈیا کے مطابق سعودی عرب میں ہائی وے پر دو گاڑیوں میں تیز رفتاری کے سبب خوفناک تصادم ہوا، حادثے کے زخمی شخص کو اسپتال منتقل کردیا گیا تاہم حادثے کی ویڈیو سوشل میڈیا پر وائرل ہوگئی۔
جزان ہائی وے پر حادثہ صبح 10:25 پر پیش آیا، عینی شاہدین کے مطابق ایک زخمی کے علاوہ تین دوسرے زخمیوں کو ریسکیو اداروں نے اسپتال منتقل کیا گیا۔
سعودی شہری کی جانب سے سوشل میڈیا ایپلی کیشن اسنیپ چیٹ پر ویڈیو شیئر کی گئی جو دیکھتے دیکھتے وائرل ہوگئی، ویڈیو میں دیکھا جاسکتا ہے کہ جزان ہائی وے پر پک اپ ٹرک جارہا ہے کہ کار تیزی سے آتے ہوئے پک اپ ترک سے ٹکراتی اور ٹرک رانگ وے پر جاکر دوسری گاڑیوں سے ٹکرا جاتا ہے۔
سعودی میڈیا رپورٹس کے مطابق ریسکیو اہلکاروں اور پولیس اہلکاروں نے جائے وقوعہ کا دورہ کیا اور زخمی شخص کو اسپتال منتقل کیا جہاں ان کی حالت خطرے سے باہر بتائی جارہی ہے۔
واضح رہے کہ اس سے قبل سعودی عرب میں خواتین کو ڈرائیونگ کی اجازت ملنے کے بعد سے حادثات رونما ہوئے تھے ایک حادثے میں خواتین موقع پر ہی جاں بحق ہوگئی تھیں۔
