اشتہار

امریکی صدر مسئلہ کشمیر پر ثالثی کے لیے تیار ہیں: وائٹ ہاؤس

اشتہار

حیرت انگیز

واشنگٹن: وائٹ ہاؤس حکام نے کہا ہے کہ صدر ٹرمپ مسئلہ کشمیر پر ثالثی کے لئے تیار ہیں، جی سیون سمٹ میں وزیراعظم نریندر مودی سے مسئلہ کشمیر پر بات کریں گے۔

تفصیلات کے مطابق وائٹ ہاؤس کے بیان سے قبل امریکی صدر ڈونلڈ ٹرمپ براہ راست پاکستان اور بھارت کو مسئلہ کشمیر پر ثالثی کی پیش کش کرچکے ہیں۔

غیرملکی خبررساں ادارے کے مطابق وائٹ ہاؤس حکام کا کہنا تھا کہ واشنگٹن مقبوضہ کشمیر کی صورتحال کو گہری نظر سے دیکھ رہا ہے، صدر ٹرمپ مودی سے سمٹ کی سائیڈ لائن پر ملاقات کریں گے۔

- Advertisement -

مقبوضہ وادی میں مودی کی جارحیت دنیا کے سامنے بے نقاب ہوچکی ہے۔ عالمی جریدے بھی بھارتی فوج کے خلاف اہم انکشافات کررہے ہیں۔

امریکی جریدے نیویارک ٹائمز نے بھی مقبوضہ کشمیر میں بھارتی مظالم کا پول کھول دیا، رپورٹ میں کہا گیا ہے کہ بھارت کا دعویٰ ہے کشمیر میں سب صحیح ہے لیکن اب بھی ہزاروں پابند سلاسل ہیں۔

امریکی جریدے نیویارک ٹائمز نے مقبوضہ کشمیر میں بھارتی مظالم کا پول کھول دیا

دوسری جانب اقوام متحدہ کے انسانی حقوق کے ماہرین نے بھارت سے مقبوضہ کشمیر میں مواصلات کی بندش ختم کرنے اور پرامن مظاہروں کے خلاف کارروائیاں روکنے کا مطالبہ کردیا ہے۔

حال میں ٹرمپ نے ایک پریس کانفرنس کرتے ہوئے کہا تھا کہ وہ مسئلہ کشمیر پر ثالثی کے لیے تیار ہیں۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں