نئی دہلی: بھارتی ریاست کرناٹک میں اشتعال انگیز پب جی گیم کھیلنے سے روکنے پر سفاک بیٹے نے باپ کو قتل کردیا۔
غیرملکی خبررساں ادارے کے مطابق اشتعال انگیز گیم پب جی کے سبب پہلا قتل سامنے آگیا، بھارتی ریاست کرناٹک میں بیٹے نے باپ کی جان لے لی، پہلے پیر کاٹا پھر سر قلم کردیا۔
کرناٹک پولیس کے مطابق 61 سالہ باپ شنکر دیو کمبہار اپنے 21 سالہ بیٹے رگھوویر کو گیم کھیلنے سے روکتا تھا، موبائل میں بیلنس خٹم ہوا تو بیٹے کا گیم بھی بند ہوگیا، باپ نے بیلنس ایزی لوڈ کرانے سے انکار کیا تو بیٹا مشتعل ہوگیا اور اس کی جان لے لی۔
کرناٹک پولیس نے سفاک ملزم کو گرفتار کرکے تھانے لے گئی جبکہ ماں شدت غم سے نڈھال ہے اور اس کا رو رو کر برا حال ہے۔
پولیس کا کہنا ہے کہ جب وہ ملزم کو گرفتار کرنے گھر پہنچے تو وہ اس قدر غصے میں تھا کہ پولیس والوں سے کہا کہ ابھی رک جاؤ باپ کے جسم کے کچھ حصے اور کاٹنے ہیں۔
رپورٹ کے مطابق ملزم رگھوویر پولی ٹیکنیک کی تعلیم حاصل کررہا تھا اور اس کا پڑھنے لکھنے میں دل نہیں لگتا تھا جس کے سبب وہ فیل بھی ہوچکا تھا۔
ملزم نے ایک دوسرے واقعے میں پڑوسیوں کی کھڑکی کا شیشہ بھی توڑ دیا تھا، پڑوسیوں نے رگھوویر کی شکایت بھی پولیس اسٹیشن میں درج کرائی تھی، پولیس نے ملزم کو گرفتار کرلیا تھا۔
رگھویر کا باپ جو ریٹائرڈ آرمی آفیسر تھا اس نے تھانے جاکر اپنے بیٹے کی ضمانت کرائی اور اسے گھر لے آیا تھا۔
