لاہور : وزیر اعلیٰ پنجاب نے جمہوریت کے عالمی دن کے موقع پر کہا ہے کہ جمہوری قوتوں کوبھارت کےغیرجمہوری اقدامات پرنوٹس لیناچاہیے۔
تفصیلات کے مطابق وزیر اعلیٰ پنجاب سردار عثمان احمد خان بزدار نے جمہوریت کے عالمی دن کے موقع پر اپنے پیغام میں کہا ہے کہ جمہوریت عوام کی حکمرانی کا نام ہے، تحریک انصاف کی حکومت جمہوریت پرکامل یقین رکھتی ہے۔
سردار عثمان بزدار کا کہنا تھا کہ جمہوریت اور جمہوری اداروں کے استحکام کےلیے پُر عزم ہیں، ماضی میں جمہوریت کو ذاتی تجوریاں بھرنے کےلیےاستعمال کیا گیا۔
وزیر اعلیٰ پنجاب کا کہنا تھا کہ جمہوریت کی آڑمیں لوٹ مار اورکرپشن عوام کےساتھ ظلم ہے، سابق حکمرانوں نےذاتی مفادات کوترجیح دےکرجمہوریت کونقصان پہنچایا۔
عثمان بزدار کا کہناتھا کہ بھارت کےمقبوضہ کشمیرمیں غیرجمہوری اقدامات کی مذمت کرتےہیں،مودی سرکارکشمیریوں پرانسانیت سوزمظالم ڈھارہی ہے،جمہوری قوتوں کوبھارت کےغیرجمہوری اقدامات پرنوٹس لیناچاہیے۔
