کراچی : محکمہ موسمیات نے کراچی میں آئندہ چند روز میں موسم شدید گرم رہنے کی پیشگوئی کرتے ہوئے کہا 22 سے 24 ستمبر تک سمندری ہوائیں تھمی رہیں گی۔
تفصیلات کے مطابق چیف میٹرولوجسٹ کا کہنا ہے کہ کراچی میں آئندہ چند روز گرمی شدت میں اضافے کا امکان ہے ، کراچی کےساحل کےجنوب مشرق میں ہواکاکم دباؤبن رہاہے، 22 سے 24 ستمبر تک سمندری ہوائیں تھمی رہیں گی۔
چیف میٹرولوجسٹ نے کراچی میں تین روز تک موسم شدید گرم رہنے کی پیش گوئی کرتے ہوئے کہا آئندہ چوبیس گھنٹوں کے دوران موسم گرم اور مرطوب رہے گا۔
محکمہ موسمیات کا کہنا ہے کہ کراچی میں صبح اورشام کےاوقات موسم جزوی ابرآلود رہنےکاامکان ہے ،آج درجہ حرارت پینتیس سینٹی گریڈ تک رہے گا۔
دوسری جانب ملک کے بیشتر علاقے خشک اور گرم موسم کی لپیٹ میں ہیں ، پنجاب ،سندھ، بلوچستان اورخیبرپختونخواہ کے میدانی علاقوں میں گرمی کا راج ہے، ڈی آئی خان، سکھر، تربت، میں درجہ حرارت چالیس سے اوپر رہنے کا امکان ہے جبکہ لاہور،فیصل آباد سرگودھا میں اڑتیس ملتان میں انتالیس سینٹی گریڈ تک پارہ چڑھا رہے گا۔
محکمہ موسمیات نے میدانی علاقوں میں گرمی برقرار رہنے کی پیش گوئی کی ہے مگربالائی علاقوں پرقدرت مہربان ہے، کشمیر،گلگت بلتستان میں بارش کا امکان ہے۔
گزشتہ روزسب سےزیادہ درجہ حرارت سبی میں تینتالیس ڈگری سینٹی گریڈ ریکارڈ کیا گیا۔
